周柏豪為個唱練跑 帶挈贏波
型男余文樂和周柏豪日前以「橫洲工業」球員身份，出席《2012年度元朗區籃球公開賽》，最終他們以54比33大勝敵隊殺入四強！當天樂仔為球隊奪得5分，問他是否滿意表現時，他說：「我瞓得兩個幾鐘，表現一般啦！
不過我有信心球隊可以衞冕冠軍！」而為球隊奪得10分的周柏豪就自誇表現不俗，全因他為準備12月的演唱會不時跑步健身操fit自己！問其個唱會否邀請緋聞女友吳雨霏任表演嘉賓？柏豪說：「演唱會嘉賓方面，公司話唔講得，不過我想佢嚟睇！」柏豪又稱未有聽聞前緋聞女友何超雲結婚的消息：「冇聽聞過！如果佢真係結婚都會恭喜佢。」
