君如驚被囡囡鬧
吳君如與伴侶陳可辛前晚出席《奧比斯30周年慈善晚宴》，對於早前被指當街鬧囡囡，君如說：「當日只係接佢放學去食飯，點知工人話佢仲有補習，個女唔捨得我『嘩』咗一聲出嚟啫。我哋家中有三角關係，陳可辛好驚我鬧佢，我好驚我個女鬧我，互相拑制住。」提到有指君如游說葉玉卿拍劇，她說：「我閒話家常問佢想唔想出嚟拍戲，佢答有啲想。（合作？）有戲可以推薦吓，十畫未有一撇，佢咁忙，出年賀歲片先啦。」
另外，葉玉卿昨日接受電台訪問時亦解釋：「因為睇好多美國劇所以戲癮大發，其實我要湊小朋友返學放學，邊可能有時間，講吓啫。（想拍乜劇？）內地嗰啲啦，製作好又多人睇。」