周汶錡認傳統拒赴舊愛婚禮
名模周汶錡與Jessica C.前晚出席活動，周汶錡被問何以婚後更活躍公開活動？她笑謂：「自己係模特兒，都會去啲時裝活動。（唔使陪老公？）一陣會食飯。結婚係好普通，生咗仔都可以做嘢，唔做會好out。」
提到舊愛杜德偉將11月11日結婚，問周汶錡有否看過對方婚照？她說：「啲結婚相好得意，好懷舊feel，唔係傳統嘅結婚相。（邊個相靚啲？）我都冇影過，淨係得婚禮相，但唔會補影。」再問有否收對方囍帖？她謂：「唔去得，會撞咗（相沖），因為我結婚未夠三個月。（迷信？）我係傳統嘅人。」