謝婷婷撐媽咪冇整容
謝婷婷昨日出席UGG Australia鞋履騷，她將到馬來西亞拍攝電影《釋迦牟尼》，並首次演媽媽，她期待同BB拍戲！談到日前拉姑生日，表示7歲後就沒收過哥哥謝霆鋒的禮物？婷婷笑說：「其實我都送錯幾次禮物畀媽咪，唔啱佢心水，佢一睇到就話嘥錢！」
對於拉姑被指鼻子整容？婷婷力撐說：「我有媽咪24歲嘅相，當時佢對眼好似乒乓波，鼻又高，成個混血兒咁，我覺得佢好靚，我相信年紀大咗五官會變，好似我100歲嘅嫲嫲都唔同咗樣，縮晒水，所以我唔信媽咪整容。」家人都愛自然keep fit，爸爸謝賢教她打面幫塊面做按摩運動：「打得好大力，佢有時剝花生又會一路踢腳，總之好多嘢！」