「翻版周杰倫」陳日豐及樂隊Closer日前擔任跳舞比賽評判，坦言看完周杰倫（Jay）新MV而身痕的日豐表示：「早前睇過Jay喺新MV入面大跳勁舞，加上最近Big Bang的熱潮，都想學跳舞。」除了習舞，他又希望一改歌路：「都想試吓創作電子音樂，試吓邊唱邊跳。」
至於Closer成員Johnny就大爆兒時學過土風舞：「細個嗰陣畀學校掟去跳土風舞，跳到好似雜耍咁。」而主音吳浩康就透露四子最近正忙於拍劇：「我哋會扮演追數佬。（如何揣摩角色？）做番平時咁，好似追朋友還錢咁！」
