鄒文正拍劇唔介意咀仔
曾在舞台劇飾演同性戀角色的男歌手鄒文正（Terry），全新EP於11月面世，Terry除愛唱歌作曲外，亦愛演戲，他說：「近年接觸多咗有關影視方面嘅嘢，最開心做咗舞台劇，真係會演上癮，觀眾即時畀到反應自己，反而拍劇或拍戲有時NG，擔心會拖累其他人收工。（再演同志角色？）劇本冇問題的話，我唔介意接演，要除衫都OK，但最緊要練好身材先啦。（男男咀嘴呢？）唔係好抗拒，作為專業演員都OK。」
問到本身喜歡男定女？他竟搞無厘頭爛Gag說：「我鍾意爸爸媽媽。（即係點？）留畀大家幻想空間，本身要求好高，最好似我阿爸咁靚仔或者似我阿媽咁靚女。」