王梓軒怕醜仔享齊人福
歌手王梓軒早前處男下海，拍攝首部微電影《Forever Kiss》，第一集已在網上播出。首次擔任男主角的梓軒，透露演一個怕怕醜醜的斯文仔，恍如鄰家男孩般。談到拍攝感受，他笑言自己盡享齊人之福：「戲中嘅我非常有艷福！因為我呢個角色會同三位女角有親熱戲，好似一王三后！」
至於最欣賞哪位女角？梓軒就大讚陳嘉寶（Anjaylia）演得相當落力：「因為Anjaylia本身唔識跳舞，但就有一場跳舞戲，所以我喺鏡頭背後做小老師，等佢可以跟住我跳。」他又笑說Anjaylia跳到險些暈倒，但效果很好，非常值得。