陳偉霆揭秘：譚耀文大佬失勢

陳偉霆（William）、曾國祥以及徐偉棟於新戲絞盡腦汁演好蠱惑仔角色，但原來拍攝期間曾遇真社團收數，真偽蠱惑仔共處一地，William坦言感覺難以形容，還爆了戲中「大佬」譚耀文的小秘密！

陳偉霆（William）、曾國祥與徐偉棟於英皇電影《紮職》中飾演不同範疇的蠱惑仔，三人為演好角色，做足準備功夫，令拍攝時曾一度被誤會是真蠱惑仔，可謂相當成功！三人日前接受訪問時笑談拍戲難忘事，William爆了譚耀文的一個小秘密，William表示：「我哋拍街景嘅時候，遇到真嘅社團人物嚟收數，真假蠱惑仔同處一個地方，感覺好難形容，而演緊大佬嘅譚公（譚耀文）即刻抽離角色，收番啲大佬氣勢，但一抽離之後，要一段時間先能代入番，因為出事嘅時候，佢戲入面扮演手下嘅臨時演員走開晒，所以好難再代入番。」

搏盡打腫面

William為演蠱惑仔角色瞓身搏盡，電影首日開工已被打到口腫面腫，William：「我叫對手出盡力打，一打已經頭暈暈，之後仲要打足幾個鐘頭，下下到肉打到半邊面腫咗！」由於半邊面瘀青一片，導演還一度以為是化妝效果，並叫William去減淡妝容，令William哭笑不得，被問到女友蔡卓妍（阿Sa）會否很心痛？William一副大男人口脗：「男人做嘢，女人唔使理，邊個嘅慰問都唔會影響我嘅工作。」