莊思敏寸梁思浩節目炒舊聞
梁思浩早前曾狠批莊思敏有份主持節目《爆足一周》，前晚出席時尚店《true color》開幕禮，老闆Andre及阿Yan為兩位娛樂節目主持充當和事老，加上兩人是活動願望成真基金籌款人，故見面時表現得有講有笑兼攬頭攬頸。但事後莊思敏坦言與思浩各為其主，反指對方的節目愛炒舊聞。
莊思敏說：「有睇佢節目都知佢翻炒舊聞更厲害，佢講嗰啲都係幾年前，我哋最多一個禮拜。」思浩聞言後不甘示弱，直指《爆》另一主持查小欣不宜做電視。
石詠莉有意整容
另外，同場的區文詩（Angela）及石詠莉承認曾打botox，Angela早前回應美容事件時，被網友誤以為是Angelababy回應，令Baby經理人需發聲明澄清，Angela自言感不好意思：「我喺微博上有解釋件事，Baby都轉載咗，話多謝我澄清，我都覺得Baby好無辜。」
石詠莉亦透露將來為了工作，不排除考慮作微整容。而鍾一憲與麥貝夷繼續情侶檔出席活動，鍾一憲自爆以前愛送手袋給女友：「佢用得有幾密，就代表愛我有幾深。」
文：影視組