Super Girls撐老闆冇偏心

組合Super Girls、歌手陳僖儀、羅力威、亢帥克等昨日出席新城電台的新人巡禮，眾人為配合萬聖節主題扮鬼扮馬，Super Girls與陳僖儀齊齊騷長腿，對於星煥老闆何哲圖被指對鍾嘉欣「情有獨鍾」，Super Girls說：「唔係吖，老闆都好錫我哋。
Super Girls一身萬聖節打扮谷人氣。
Super Girls一身萬聖節打扮谷人氣。

（有冇單獨約你哋？）冇呀，只係試過一齊食飯，唔相信老闆係報道所講咁嘅人。」而陳僖儀表示對年底的頒獎禮充滿信心，問到是否沒有對手？她謙虛說：「唔係。」隨即透露正積極減肥。同場的羅力威希望在頒獎禮上奪創作獎，由於其緋聞女友雨僑是創作歌手，被取笑一齊爭獎？他即語塞。

羅力威（右）與亢帥克孖住出席新人巡禮。
  • 羅力威（右）與亢帥克孖住出席新人巡禮。
陳僖儀坦言對頒獎禮充滿信心。
  • 陳僖儀坦言對頒獎禮充滿信心。