小方「飾」做 鄧麗欣讚浪漫
鄧麗欣（Stephy）昨日為金剛和小儀主持的節目《街坊廚神食四方》擔任嘉賓，早前她獲男友方力申（小方）悉心安排一眾好友為她慶祝生日，更豪包總統套房，Stephy直言十分驚喜，笑言：「佢好少可係咁。（平時小方送首飾畀你？）係囉，佢成日買首飾畀我。（送鑽戒？）冇呀，都係送普通鑽飾，不過都好浪漫。（預期第日求婚都咁浪漫？）大家錯覺佢係浪漫嘅人，佢又成日自認係雙魚座好浪漫，其實OK嘅，我唔使太多。」
不過，29歲的Stephy表示未有結婚計劃：「唔結住，暫時冇咁嘅打算。（生仔呢？）我接受唔到做未婚媽媽，如果我有打算生仔計劃就會結。（你都29歲啦！）29歲啫！有時想生未必咁容易，我仲有好多人生計劃，例如去旅行咁。」
