苟姑娘岑麗香講緋聞攬住喊
苟芸慧（苟姑娘）、岑麗香（香香）兩位「宅男女神」在節目中被要求風騷擺誘惑甫士，當提到緋聞、是非新聞時，苟姑娘忍不住落淚，在旁的香香與她抱頭痛哭，狀甚可憐。談到「處女」問題，兩女避談不欲回應，苟姑娘更揚言以後會收起性感。
前晚苟芸慧、岑麗香為無綫節目《萬千升呢福祿壽》錄影，期間兩位宅男女神被主持要求大擺咬唇、咬手指的誘惑甫士，廣東話不靈光的苟姑娘更被即場考急口令，當提到早前被指與謝天華「車廂親熱」的緋聞時，她忍不住落淚，一直怕在外國的父母擔心的她說：「我想同佢哋講我冇學壞，仲係佢哋嘅好女兒，如果可以，希望佢哋可以返香港同我一齊住。」雖然有指二女爭上位，此時在旁的香香與苟姑娘互抱哭泣，我見猶憐。香香哭着說：「我嚟香港時你係我第一個朋友，我哋一齊住，嗰陣你幾忙都好，返嚟都會開解我，如果唔係你我會黐咗線。」
決定收起sexy
另外，早前苟姑娘被雜誌指是「處女」，對此說法她選擇不回答：「咁私人嘅嘢可唔可以唔答呢？我都反省過係咪呢排出function時啲衫太過性感。（你覺得有影響？）係呀！所以以後我唔會着咁多sexy衫。（唔性感搵少啲喎。）都唔會嘅，如果全部人性感得我一個密實仲會有意想不到效果同收穫！」她沒想過會被人問這些尷尬問題，不過既為公眾人物都要接受，但亦會保護自己的私隱！
而香香亦不諱言「處女」是很私人的問題，自己與主知道便可，又說即使別人問亦不會回答：「都試過畀人問，但我笑住唔答。（以前男朋友問？）總之有人問過我，就算男友都唔好講呢啲。」對於有否履行基督徒戒條不會婚前性行為？香香說：「我唔答呢啲問題！」
同場的陳法拉透露拍《衝上雲霄II》一劇會坐小型飛機，笑言「男仔頭」的她甚麼都不怕，又指今次與李亞男、徐子珊碰頭很難得，皆因三人是同一屆的華姐。
文：影視組