劉嘉玲讚陳坤靚仔似哥哥
影后劉嘉玲昨日與內地演員陳坤在港拍攝新片《過界》（暫名）。劉嘉玲坦言陳坤「好靚仔」，但談到其丈夫梁朝偉應該較為靚仔，她則笑不攏嘴說：「哈哈，我有發言人嘞。不過我感覺陳坤有啲似張國榮（哥哥），到我拍攝時都有諗起哥哥。」劉嘉玲坦言接拍此片主要是支持新進導演劉韻文，她說：「畀機會新人係好事，好難得新人有理想。（減低片酬？）象徵式收。」
同王菲搭唔到嘴
對於好友王菲在微博留言評論歌手庾澄慶的演出，惹來網友抨擊，嘉玲說：「佢一定係講笑，佢無理由唔經大腦講出嚟，佢成日用80、90後啲用詞寫微博，我唔明佢講咩又搭唔到嘴，佢話我係外星人。」另對於邱瓈寬養大陳寶蓮兒子一事，她說：「等佢自己講咗先。寬姐係義氣俠女，事件令佢母愛出晒嚟，好偉大，講起都毛管戙。」陳坤對於嘉玲指他貌似張國榮，他說：「自己不知哪裏像。但我覺得很不一樣，所以沒有壓力。」
另外，劉嘉玲早前到尖沙咀跟中國藝術大師岳敏君作品雕塑影合照，當日突然下大雨，嘉玲撐起「傻笑人」雨傘與雕塑相映成趣，嘉玲更表示笑最緊要是發自內心，放下無謂執着自然獲真正快樂。
文：影視組
