連詩雅做楊洛婷電燈膽

歌手連詩雅（Shiga）前晚出席新城中秋晚會，她透露完騷後即會相約同場的樂隊Dear Jane一齊玩，由於Dear Jane主音Tim的女友楊洛婷亦有到場捧場，問到Shiga會否怕成為電燈膽？她笑言：「我成日都畀朋友話我唔識做，不過我哋都係成班人一齊玩，都唔怕！」
單身的連詩雅，工作為重，未想拍拖。
單身的連詩雅，工作為重，未想拍拖。

她強調入行至今一直單身，對於會否要求朋友介紹男友？她說：「唔使住，事業為重！」另外Tim透露將與隊友出席沙灘騷，在旁的楊洛婷聞言即大呼叫好，對於會否着比堅尼撐男友場？她笑言：「要操吓先！怕嚇親佢班女fans。」Tim即力撐女友：「唔怕，我班fans多數係男仔。」

Tim出席活動獻唱，楊洛婷現身捧場。
  • Tim出席活動獻唱，楊洛婷現身捧場。