Jocelyn海邊賞煙花事後傷感
前晚在南丫島對出海面發生嚴重海難，愛出海睇煙花的名模Jocelyn及莊思敏獲悉事件後均表示難過，而一向愛熱鬧的影后劉嘉玲亦奉勸大家要珍惜眼前人。
莊思敏：希望死者安息，死難者家屬要堅強。我以前都會跟家人出海睇煙花，其實出海睇煙花唔代表危險，今次真係意外。家長與其喺課餘時間畀小朋友學語言或者樂器，不如畀小朋友學游水，因為識游水真係可以救命。
Jocelyn：前晚我同老公喺銅鑼灣近海嘅位置睇煙花，喺睇完煙花返到屋企先知發生海難，知道好多人罹難，覺得好難過，好慘。尋日睇新聞報道，又有好多人同我講呢件事，大家都好傷感。
劉嘉玲：好難過、好悲傷！尤其中秋佳節係團圓時候，但有家庭要面對生離死別，加重悲傷。自己設身處地諗會好難受，印證世事好無常，大家要珍惜擁有的一切！