李玟時機未到 生咗先講
國際天后李玟（CoCo）昨日以「粉紅大使」身份出席「粉紅革命」關注乳癌及籌款活動啟動禮，癌症基金會創辦人及總幹事羅莎莉表示，CoCo支持癌症基金會多年，加上對乳癌認識極深，所以絕對是「粉紅大使」不二之選。而婚後一直都希望為老公Bruce Rockowitz繼後香燈的CoCo，被問是否心急生B？她坦言要看天意，並說：「難，但都希望有機會，依家我會注意自己嘅飲食，生BB最緊要身體健康，前排有人見我肥咗，問我係咪懷孕，其實仲未有，依家太早唔講呢啲嘢住！」
問CoCo生B還要計劃多久？她即笑說：「如果下個月就知有咗，我會好開心，天意唔可以抗拒，哈哈！不過生咗先話你知！」談到癌症基金會，CoCo表示已支持多年，曾給予不少癌症病人無限支持，她說：「特別係女性要多加注意，以前就話50幾歲先有乳癌，但近年愈來愈年輕化，所以要多做檢查！」
老公日日做運動
CoCo自言很乖，定必定期做檢查，平日會多做運動及調節生活及飲食習慣：「我平時會多做gym，不過依家冇時間就跳舞當運動，我本身食嘢好簡單，都係食豆腐同少鹽！」對於老公Bruce近日被指心廣體胖，CoCo即說：「佢其實每日都有做運動o架！」
文：專案組