梁靖琪惹緋聞 老公冇詐型
梁靖琪（Toby）與吳卓羲這對過氣緋聞男女，近日齊赴三亞為新劇《衝上雲霄Ⅱ》拍攝外景，二人更被指晚間於泳池公開親熱，期間卓羲更對穿比堅尼的Toby出言調戲，看似親密。
正當大眾猜測事件會否影響Toby與老公關係之際，昨日下午二人十指緊扣離開觀塘某商廈，Toby表示未有為此事與卓羲聯絡，更謂：「都冇乜嘢，我哋本身好friend，可能我着泳衣好性感啦！老公嗰晚都知我去玩。」及後還透過電話補充，笑指與卓羲太熟，故玩至興起時卓羲根本冇視她為女仔，才惹人誤會。而Toby的老公表示與太太感情依舊，還表示對卓羲印象不俗，他謂：「佢就算幾忙都會嚟我屋企拜年，係一個好nice嘅演員。」
而卓羲則表示未有公然調戲Toby：「成班人一齊玩，知記者好遠影，點會聽到我哋講咩。」更指與Toby相識多年，未入行時對方以哥哥稱呼他，寄望雜誌不要亂寫。