官恩娜冷眼旁觀：飲酒傷肝

林峯、徐子珊、官恩娜、苗僑偉（三哥）及黃智賢（Ben）等昨齊齊為新劇《雷霆掃毒》宣傳，眾人更參與扯大纜比賽。三哥與阿Ben藝高人膽大，玩遊戲時從三樓游繩而下，打球時前者衝口而出，指張嘉兒是「最靚嘅黑豬扒」，場面尷尬。

吳卓羲被指於三亞拍攝《衝上雲霄II》外景期間，借酒意於飯局內與人妻梁靖琪（Toby）表現親暱。林峯雖未了解過相關報道，但亦代表澄清說：「Toby叫我哋做阿哥叫咗十幾年，大家反應過敏啫，唔想評論咁多。（吳卓羲酒量點？）都正常OK，大家手下留情囉，佢見到我都攬o架。」

林峯勸大家對吳卓羲手下留情，又透露對方的酒量唔錯。

三哥（左）與阿Ben從三樓游繩而下，十分大膽。

身為吳卓羲前女友的官恩娜，對於舊愛再爆緋聞淡然回應﹕「人哋嘅事唔評論，我淨係想新劇收視上升。（你同Toby熟唔熟？）同年嘅新人，都OK嘅。（你有冇去過啲派對，見過類似場面？）之前去過三哥生日派對，但大家點high都唔會咁。我冇飲酒，飲酒傷肝呀。」

徐子珊有信心提名

徐子珊則對《雷》劇重視非常，且不諱言：「今年得呢部劇出，出席台慶都靠佢。（有信心攞視后？）有提名都開心嘞，好彩監製都滿意我嘅表現。」談到無綫花旦相繼離巢，子珊坦言壓力倍增。至於2013年官方月曆拍攝繼續安排她與黃宗澤及林峯等人一組，難怪子珊笑言大家似足連體嬰，大可組成全新組合搞其他新嘗試。

文：影視組