楊愛瑾處女整餅 父母有口福
藝人楊愛瑾（Miki）趁中秋節將至與歌迷齊齊學整月餅，處女整餅的她顯得有板有眼，獲師傅大讚「入得廚房」的80後好女仔，氹得Miki心花怒放，身為孝順女的Miki坦言將「傑作」留給父母品嘗。
Miki日前聯同四位女歌迷跟凌師傅學整奶皇月餅，經常下廚的Miki先細心聆聽師傅講解每個步驟，接住一口氣由搓餡、包皮、倒模及放入焗爐一腳踢，短短一小時成功炮製出十多個月餅，連師傅都忍不住大讚說：「嘩！真係入得廚房嘅好女仔。」令Miki開心得哈哈大笑。
閒時下廚煮中餐
原來Miki閒時都會下廚煮兩味，她說：「煮中餐多，尤其煲湯，最鍾意整就係薯仔炆雞翼，月餅就第一次整。」問到製成品會留給誰人？Miki說：「梗係父母啦，平時太忙冇乜機會同佢哋食飯，媽咪包嘅餃子最好味，所以每次返屋企食飯都會叫媽咪包餃子。」
因母親愛上餃子
由於楊母是北京人，故Miki自細已愛上餃子，她說：「由細食到大，連餃子皮都係媽咪自己整。（唔學咪失傳？）係o架，有機會要跟媽咪學，呢個係情意結。」孝順女的Miki坦言一有時間都會返屋企食住家飯，她說：「自己搬出嚟住都成8年，加上工作關係唔係成日都可以返屋企食飯同父母見面，所以一有時間一定返屋企食飯。」
採訪：音樂組
髮型：Vince@IL COLPO
服裝：BILLABONG
場地：easy．chef