周家怡狂插惡導演
前無綫藝員周家怡，在城電活動上表示未認識好友佘詩曼前，未聽過她呻有關無綫導演張永豪的事，她說：「不過佢當年做PA時，試過唔畀通告我又話畀咗，最唔開心係拍完後，佢仲話以後要簽收run down，我話我唔會簽，因為佢根本冇畀我，佢仲叫我唔好玩佢，我就話佢連PA都不如。我當時好委屈眼都紅晒，佢話『唔係喊呀，我都識喊嘅大明星』。」
周家怡指針對事件不針對人，並戥劉蔚萱陰功，她說：「咁樣方法教戲係咪啱先？（曾勵珍撐佢。）我冇睇。」而曾傳出與張永豪有拗撬的陳曼娜則力撐說：「佢喺TVB做P.A時年少氣盛，係得罪好多人，唔開心所以走咗，我仲帶佢返教會。」另外，伍詠薇出席另一活動時，表示認識張永豪，但自己當時不在場不給意見，並說：「最好大事化小，唔好斷章取義。」
