JC情繫Mr.B心心相印
Jessica C.（JC）早前承認愛上洛杉磯俊男，雖然一直未有下文，但原來愛苗已低調地成長。同門師姐Ana R.踢爆JC目前與對方發展中，而JC亦大方承認心中只有他，雖然分隔異地，但她仍對戀情充滿信心，相信對方心中亦只有自己。
「警鐘胸」女模Jessica C.（JC）、名模Ana R.與馬詩慧、趙碩之（Wylie）等昨日出席「3香港Free The World發布會」。現場所見，JC與WhatsApp Inc.行政總裁及創辦人之一Jan Koum非常投契，更公然於台上咬耳仔。被記者追問此事時，Ana即為好姊妹擋駕說：「Jan個人好友善，對個個都係咁。」
Ana唔使監視男友
問可有男生透過WhatsApp向她們展開追求？Ana突然爆出JC目前與一位男士發展中。記者即追問JC是否與早前承認愛上的洛杉磯俊男拍拖？Ana即替對方解圍說：「好多時唔使講得咁清楚。」而JC亦說：「依家我只係同一個男士發展中，而我都相信佢唔會有其他女仔。（佢叫咩名？）你哋叫佢Mr. B啦！」另外，Ana笑言可透過WhatsApp得知男友身在何處，但她謂：「不過我都唔使監視佢，佢多數都喺公司做緊嘢。」
趙碩之小腿變粗壯
而穿上露背裝的Wylie真空上陣，更被發現凸點，但她仍大方回應：「想做人raw啲。啱啱忙完舞台劇，好攰，冇乜精神去扮靚。」於舞台劇中飾演運動健將的她，坦言訓練得小腿變粗了，問到會否考慮打botox瘦腿？她說：「小腿會驚，怕冇力行。（面呢？）面就唔抗拒，呢一行靚都好重要。」
文：名人組