梁安琪曾航生19年情玩完

前DJ梁安琪(Angel)和歌手男友曾航生(Sam)拍拖19年,昨日有讀者爆料指兩人情已逝,並提供Angel facebook內的「宣布分手」文章,內容大致為「We're over,我們完了……為免朋友猜測,也要交代一下的……近年因為參政與做社會工作,與曾航生的分歧無法彌補,畢竟他在1993年認識安琪時,DJ與歌手是志趣相投的,當我由電台人轉型為政治工作者……因為音樂而結緣,卻因為政治而分手,多麼無奈;起碼和平,於是這個愛情的葬禮還可以美麗,祝願大家以後都各自找到理想,無悔今生。」

適應唔到和平分開

昨日Angel接受電話訪問時,直認於7月時和Sam分手,她語氣輕鬆說:「係分咗手,(好傷感?)唔係,我好開心喎,我哋唔係因為出現第三者,只係我從政,佢又唔鍾意政治嘢,既然大家經過長時間都適應唔到咪分手囉,不過係和平分手。」

而Sam口徑一致謂:「我哋係因為方向同理想愈嚟愈遠,佢(Angel)從政,我幫唔到手,我做音樂,佢又分享唔到,大家年紀唔細,唔可以再行落去咪分開囉。」他避談由誰提出分手,問兩人可有拗撬?他坦言:「有邊對情侶唔會有意見分歧o架?但我哋仲係朋友。」他又說現時寄情工作,沒有新戀情。

文:音樂組 

爆料編號:ireport_00031544