李丞責：度蜜月先努力
香港小姐冠軍劉倩婷，與堪輿學家李丞責於明年二月二日在港擺酒結婚，昨日二人在數碼港拍攝婚紗照。問到二人會否雙喜臨門？二人笑言是傳統之士，應該不會，李丞責笑言：「一係拎個筲箕頂住先？唔爭在嗰幾個月啦。遲啲接近情人節期間可能去馬爾代夫度蜜月先努力。」
繼續演藝事業
二人透露將會在港設宴，預計整個婚禮費用近八位數字，問到會否筵開百席？劉倩婷說：「唔知請唔請到咁多賓客，原本都諗住分兩日，依家視乎場地配合。」至於婚後會否繼續演藝事業？李丞責代答：「娛樂事業係佢嘅興趣，我亦都唔會阻止。」
開店賣珍藏品
其實李丞責正籌備開設一間售賣珍藏品、古董和藝術品的店舖送給太太打理，他說：「佢喺英國返香港，對中國文化認識都唔係好深，所以有呢個計劃畀佢認識多啲珍藏品。（向她教路？）家中珍藏品只係佢啦。」在旁的劉倩婷聽後顯示出一副幸福的樣子。
另早前二人到沖繩拍婚紗照，李丞責表示沖繩有一種守護的地勢，對愛情來說是山盟海誓，所以選擇當地拍照。
文：影視組