劉羽琦輸峰頭 攬仔搶鏡

o靚模劉羽琦、陳靜儀（Mia）及張暖雅等人前晚出席新片《喜愛夜蒲２》首映，主要演員與一大群過鏡串星女子，一律悉心打扮博搶鏡，其中Mia以胸前穿窿look亮相，大sell南北半球；張暖雅則以tube dress上陣，將胸部騎呢地托高。

劉羽琦解釋只以透視tube dress應戰原因，她說：「我在戲中已經好激，不介意首映保守些，觀眾看過就知我為甚麼這樣穿。（點解你不停掹衫？）我之前在瀋陽拍戲，助手幫我安排首映的衫，有點不稱身。」期間劉羽琦又攬實沈震軒合照。

Mia指如果票房愈好，她的票房線會開得愈低。

張暖雅（右）與文凱玲搏命谷胸搶鏡。

紮胸出街

Mia面對張暖雅「托胸」，她說：「我只可以話佢（個胸）好高囉，我就（事業線）好長，我覺得自己靚啲，話晒係主角吖！我今晚呢條叫票房線，票房愈好會開得愈低，我都唔係刻意要咁着，但今晚話晒係我主場，咪打扮吓囉！」被問到早前拍得與男士夜蒲，她說：「佢係我識咗幾年嘅好朋友，被我累到見報，下次我喬裝至出街。（你個胸咁樣，喬鬼咩？）咁我紮胸囉，扮得男性化啲，我要強調我依家仲係單身。」

唔驚走光

張暖雅則坦言「托胸」只為搶鏡，她說：「我花四個鐘打扮，唔敢食嘢，最緊要靚、搶鏡，我冇黐膠紙，唔驚走光，若果件衫要跣落嚟都冇法，我裏面着咗nude bra。（你覺得露nude bra冇問題？）畀錢我拍戲，我可以咁做o架 ，但我唔露點。」導演錢國偉則恭喜好友錢嘉樂，他說：「恭喜佢，佢呢兩日成日笑咪咪，似係做老竇啦！」

文：影視組