吉澤冇操守 5分鐘急閃

大會面對吉澤忽然離場亦始料不及，活動結束才向傳媒表示她早已離去。大會怒斥她欠缺藝人操守：「吉澤早表明唔回應有關中日問題，但會接受傳媒訪問，但估唔到佢經理人突然拉走佢，我哋要求吉澤完成活動先走，但佢經理人仲向我推撞。我哋公司以後都唔會再同吉澤明步合作！」由於吉澤所拍的微電影為今次主辦活動之贊助商，吉澤未能完成贊助商之宣傳工作，昨日活動發言人稱如有損失，將保留追究權利。

同樣獲邀出席活動的林敏驄昨亦缺席，記者致電他時卻死口話有到場，問到他是否認識吉澤？他即搞鬼回應：「我都唔睇AV嘅，唔識吉澤明步，四大名捕就聽過。（話吉澤怕答釣魚島問題而快閃！）我唔知呀，我都唔釣魚嘅！」

遲到早退避傳媒

釣魚島主權問題再掀中日紛爭，日本AV女優吉澤明步近日來港宣傳，態度親切的吉澤卻一反常態，多番迴避傳媒。

8月17日：

吉澤在敏感時勢來港宣傳內地微電影，向來親民的她一反常態，刻意跟本地記者保持距離，並以趕船往澳門為由，取消原有訪問，更遲到早退避傳媒。

8月18日：

吉澤無懼反日浪潮，仍赴澳門出席《亞洲成人博覽會》，但有關方面卻安排失當，令傳媒未能準時登船，變相未能與吉澤接觸做訪問。

8月20日：

吉澤出席活動，簽完名及影相5分鐘急閃，大會表示原定連訪問時間，吉澤會留到1時半才離開，但影完相後經理人卻強行拉她入後台，並以趕飛機為由閃人。