Lynn花心思袋實城城
名模熊黛林（Lynn）雖然未曾收過男友郭富城送給她的手袋，但她卻毫不介意，反而主動送手袋給對方，實行宣示主權兼箍實他的心，讓城城隨時隨地孭着她的心意，見袋如見人。
名模熊黛林（Lynn）、設計師何志恩（Johanna）及羅苡之等昨日出席FURLA手袋活動，Lynn坦言其男友郭富城從未送贈手袋給她。問到城城是否把整個心送給她？她笑言：「咁嚴重？（送乜畀你多？）都係日常會用嘅嘢。」但她不避嫌指自己曾送手袋予城城，更宣示主權說：「我都見佢成日孭。（孭住你個心……思？）係，係心思囉。」
做激光矯視
而問到Lynn會否希望掌控城城的財政大權？她回應：「要睇個財政大權幾大囉，如太重就唔想啦，因為我怕自己會買嘢買晒啲錢。（碌城城畀你嘅信用卡？）冇呀！我得一張係自己嘅，想財政獨立。」另外，她透露前日做了激光矯視，不用再佩戴隱形眼鏡，她續說：「以前拍戲拍十幾個鐘，戴con會不停流眼水，導演又要我唔眨眼，所以我成日都要瞪大對眼。」
新店生意佳
而Johanna則表示新時裝店生意十分理想，而且有不少內地客特地搭車來港幫襯，令她非常開心。而問到其好友徐濠縈於微博罵中國人無禮，而遭十萬同胞聲討一事，她無奈表示：「我都有畀人鬧。（因為你撐佢？）因為我係佢朋友。我都唔想講咁多，其實佢係無意嘅，但講嘢當然要小心，佢唔係惡意o架囉。」
文：名人組