婷婷撐鋒芝復合 細路得益
謝婷婷昨日出席手袋活動時，被問到有關張栢芝趁Lucas生日借機與奶奶狄波拉修補關係的傳聞，婷婷表示因為自己離港無份慶祝，並不知情。記者再問她霆鋒、栢芝被拍到與Lucas一齊食飯時，她說：「咁咪好囉。自己唔喺香港，無睇到，係幾耐之前嘅事？(佢哋復合你開唔開心？)佢哋嘅選擇都係為小朋友好，總之佢哋嘅決定我一定支持。（佢哋嘅關係無咁僵？）唔清楚。（會唔會做啲咩拉埋佢哋？）唔會，未輪到我做。」
婷婷又透露近期經常出埠玩及探朋友，早前就跟男友安志杰（Andy）一起到了泰國和澳洲，並在澳洲慶祝嫲嫲一百歲大壽。問到她嫲嫲可有讚未來孫女婿Andy，婷婷說：「佢唔係好認得人。」
Rick望自然發展
另外，栢芝的化妝師好友Rick Chin昨日受訪時，透露他上星期也有參加Lucas的生日會，他說：「Lucas同Quintus都好Sweet。（佢哋想唔想爹哋媽咪復合？）小朋友梗係想爹哋媽咪喺埋一齊。（咁霆鋒栢芝復合係咪真？）我梗係希望係真，但外人唔可以干預到佢哋。」問到栢芝曾經歷低潮一事，Rick坦言栢芝在離婚當時很傷心，他亦有勸栢芝要想清楚。至於會否撥行葵扇令鋒芝復合，他說：「呢啲隨遇而安，係就皆大歡喜。」
文：名人組