錢嘉樂生日 被粉絲催婚
47歲「壽星仔」錢嘉樂前晚生日，獲父母、女友湯盈盈、港日粉絲及「錢家班」齊齊為他慶祝，日本粉絲更親手炮製一個屋形的朱古力蛋糕送給嘉樂，寓意他與盈盈早日結婚。由於盈盈要返電視城拍劇，故未有合照。
問收了盈盈甚麼禮物？嘉樂說：「所有禮物都未拆，盈盈送乜都冇所謂，最緊要係份心意。（承諾明年結婚？）班朋友係有講過等明年曾志偉生日一齊出埠旅行時先搞，但真係成行先算。（父母催婚？）真係冇，佢哋畀我好大自由度。（願望？）希望身體健康，拍到一部代表作。」
另外，昨日生日的楊思琦與家人及粉絲食飯慶祝，她接受電話訪問表示：「今年我已經食咗四個蛋糕。（BB食？）佢仲未食到蛋糕，願望係身體健康、快啲拍劇。」