古巨基斥50萬 韓國尋舊情

基仔今次新碟記錄其真人真事愛情史，獻給他愛過的女孩。其中新歌《戀無可戀》便是講述當年他和一個女孩由「兄弟情」演變戀人的故事。基仔早前專程赴韓國拍攝，事前除做足資料搜集，更花兩日時間在當地睇景，包括梨花女子大學、夜市、燒肉店、街頭小食車等。期間曾遇暴雨阻礙拍攝，部分要改到室內取景。

再見亦是朋友

基仔挑選了新演員梁靖化身其舊情人，梁靖樣子似足韓劇《原來是美男》女主角朴信惠，女方更將螢幕初吻獻給基仔。兩人甜蜜食雪糕、把酒談心，重溫當年溫馨拍拖片段。其中一幕梁靖穿上婚紗，但新郎不是基仔的結婚情節，全是基仔當年的真實畫面。基仔說：「雖然同佢冇開花結果，但自己慶幸分手仍然能做朋友，佢結婚我有去教堂送祝福。」

雖然新郎不是我，但基仔仍大方祝福舊愛。

兩人雨中漫步，非常浪漫。

為拍攝一個MV，不惜工本花五十萬元到韓國取景。基仔表示一向很重視每個MV，2005年他便開始為廣東和國語碟MV親自執導，不收酬勞只為拍好MV。提到「得力助手」Lorraine有同行，問可有趁機整容？基仔抵死地說：「講開又諗起佢有一個鐘頭唔知去咗邊，但見佢返嚟又冇靚咗，如果真係整咗咁就嘥錢囉！」

文：音樂組