汪詩詩呻老公 冇晒浪漫
甄子丹太太汪詩詩昨日出席首飾品牌發布會，她大呻近幾年老公沒有後生時那麼浪漫，可能大家已老夫老妻，詩詩坦言仍後生不想太快變「老」，想回復初戀感覺？她即說：「唔想自己講，想佢做。佢可以學吓未來妹夫蔡加讚，佢好有創意。」
詩詩曾投訴過老公，無奈丹爺太忙：「我哋下個月尾結婚九周年，希望佢識做，我想二人世界去旅行。」因暑假一家人會去旅行，她想掉低仔女再去多次！詩詩還大爆囝囝黐身，外出之時成日打電話給她。何不索性叫囝囝打給老公？令他在外冇機會曳曳？她說：「老公除咗做嘢同家庭，唔會有異心。」