倪晨曦爆Bosco花弗:對個個都好

「瘋情三俠」黃宗澤(Bosco)、林峯及吳卓羲近日負面緋聞不絕,再有指Bosco當年在多倫多與華姐倪晨曦(Elva)過從甚密,不過Elva就否認其事,但直言Bosco予人花弗的印象!另邊廂Elva也被揭與苟芸慧及韓模蔡恩真為「搵食」三姊妹,認真複雜!

昨日倪晨曦、模特兒鍾浠文、無綫藝人黃浩然及黎諾懿一同出席護膚品活動,其中Elva被問到與Bosco的緋聞?她例牌否認說:「佢冇追我,我都冇鍾意佢,大家依家都冇聯絡,亦冇見面。(覺得佢個人點?)佢好nice好好人,對所有人都好好,(花弗?)呢樣嘢就唔知,我同佢普通熟,可能佢形象畀人感覺花弗啩。(知佢同胡杏兒分手?)知,我未見過杏兒。」

被指溝仔感不快

Elva表示擇偶絕不容許花心男,話雖如此,昨日卻有報道指她與苟芸慧及韓模蔡恩真齊跟楊受成兒子出海玩樂,更謂三人喜歡「覓食」?Elva自言報道令她不開心,她說:「寫得好衰,我識咗Alex(楊受成兒子)好耐,大家平時都會一齊玩,而苟芸慧嗰陣喺多倫多已經識,蔡恩真喺香港做嘢識,但都好friend,嗰日咁啱大家約埋一齊出嚟玩,(一齊溝仔?)唔係,成班人全部係好朋友。」她指報道刊登後,亦有與Alex聯絡,對方更安慰她日後出外玩小心一點,免人家對她有此印象!

黃浩然請教嘉穎

而同場的黃浩然被問到近日不少小生與內地女演員傳緋聞?他指自己甚少到內地工作,若北上就會請教鄭嘉穎,他笑說:「同佢取吓經囉,佢話自己冇人吼嘛,(你信呀?)佢講咪信囉!」

另外,有指黃宗澤買巨額保險加入胡杏兒為受益人,又傳出杏兒與台星黃少祺撻着,昨杏兒在微博還擊,寫着:「這些很明顯是劇照,在那流出來大家應該很清楚,夠了,真的夠了,不要再每天一個版本,不要再不停的傷害,我不說不代表我是啞巴,但我真的希望,放過我們吧!好嗎?」

文:名人組