周麗淇搵型男 明益家姐
歌影視藝人周麗淇（Niki）揚言要奪去胞姊周汶錡（Kathy）的第一次，邀請她擔任自己的MV女主角，打算自唱自導的Niki，當然不會虧待姊姊，誓要找型男為她做對手戲，若遲遲未能物色心水男主角，她更希望未來姐夫Julien親自出馬，保證登對！
名模周汶錡（Kathy）與胞妹周麗淇（Niki）、「警鐘胸」女模Jessica C.（JC）及莊思敏、韓模崔豪進等，前晚出席活動。早前不慎墮坡、被樹枝插肺的歌手鄭希怡本答應前來，但未知是否傷勢未愈，故臨時缺席。
想做妹妹電影替身
姊妹檔上陣的Kathy及Niki，坦言酬勞很滿意，問到會否簽同一經理人時，Kathy突然笑言：「我成日話Niki拍戲，我可以做佢替身，影遠鏡或背脊都得。」Niki聞言即說：「佢呢個替身好貴，可能仲貴過我！」她並坦言曾考慮邀請胞姊擔任自己的MV女主角，續說：「諗過搵型男配家姐，自己唱歌同執導，加上佢未試過拍MV，處女MV應該畀我！（點解唔成事？）搵唔到型男襯家姐，或者搵返Julien（Kathy男友），佢好有喜劇細胞。」而Niki昨日出席另一活動時，透露希望嘗試填詞：「主題離唔開愛情，但唔會投射自己嘅故事做題材。」
莊思敏綠髮冇人吼
而莊思敏則表示自己遺傳了父親的白髮，故要不斷染髮。問到染甚麼顏色較旺桃花？她笑言：「唔知，（同林忠豪傳緋聞時係粉紅色？）唔係，嗰時係王生（皮草太子爺王大業）。但綠色最差，冇人埋身。」而問到她與王大業的感情狀況？她回應：「朋友囉，自己忙書展，所以冇乜時間。（送書畀佢？）梗係要佢買，作為朋友應支持。」另外，以性感打扮現身的JC透露將於八月返美國探望家人，並嘆息：「依家全家得我一個仲係單身，以前定咗25歲生小朋友，依家已推遲到30歲。」
文：名人組