張智霖出私伙 倒貼冧法拉
鬧小生荒的無綫落實由吳鎮宇加上張智霖兩名「外援」擔大旗演出《衝上雲霄II》，昨日在記者會上張智霖坦言放棄賺人仔接拍該劇，還出動六位數字靚衫開工，實在是倒貼無綫。
演員吳鎮宇、張智霖、胡杏兒、陳法拉、吳卓羲、馬國明、朱晨麗和傅嘉莉昨日到尖沙咀出席新劇《衝上雲霄II》記者會。《衝II》由首集的靈魂人物吳鎮宇領軍，與「視后」胡杏兒及新加入的張智霖和陳法拉雙生雙旦，至於當年的主角馬德鐘和陳慧珊則被飛。
劇集將會到英國、法國、台灣等地取景，扮演機師的張智霖指今次之所以接拍，是受無綫製作總監梁家樹誠邀所打動，為此更要推掉搵錢的大陸劇，他說：「套劇要拍半年搵少好多，自己都考慮咗好耐。」劇中飾演風流機師的張智霖與法拉有感情線，他更不惜花六位數字出動私伙衫拍攝，問到拍此劇是否要倒貼給無綫？張智霖笑說：「係為Tommy、為觀眾倒貼，冇辦法，同Tommy太好朋友。」陳法拉則指不清楚會不會與張智霖有咀戲，她笑說：「可能去到法國，浪漫氣氛之下會嚟個法式接吻呢。」
爆杏兒唔敢遲到
吳鎮宇出山為鬧小生荒的無綫救亡？他則指無綫還有不少小生。問到吳鎮宇再拍《衝II》有沒有加人工？他暗指人工加得不多，並笑說：「人工多咗好多，好似啲熱門馬賠率咁有點幾倍o架，唔好同人講，我驚人妒忌。」
鎮宇自爆當年拍劇趣事，大家齊齊夾埋請假、遲到，惟當年還是新人的胡杏兒不敢參與。胡杏兒新劇飾演飛機維修人員，監製希望她將頭髮剪成男仔頭，杏兒又自爆：「今次會飾演兩個角色，開始時會交代Zoe死。」
文：影視組