謝天華咀祥仔讚唇軟

謝天華與阮兆祥(祥仔)前晚錄影《玩轉三周1/2》台慶趣劇大玩特玩,兩個「麻甩佬」嘴對嘴錫了數秒,全場嘩然。事後二人受訪,嘴角還有唇膏的天華謂:「冇啦!螢幕初吻畀咗佢啦!」祥仔笑言:「你好似錫過陳法拉!」天華說:「我未錫過男人嘛!」問天華為何要咀得那麼徹底?他指這一咀是突發的,要畀驚喜觀眾,雖然難頂,不過都係幾秒,他又讚祥仔的口唇出奇地柔軟。

此外,反串上陣的志偉笑言要搵個擁有電視台的老公,祥仔說:「有冇牌o架!」志偉明寸其他未發牌的電視台:「有冇牌冇所謂,申請到都未必畀你。」