杏兒險扯甩褲 露阿婆底

胡杏兒、徐子珊、馬國明、洪天明、鍾嘉欣、吳卓羲、陳法拉等多位無綫花旦小生，前晚為《玩轉三周1/2》台慶趣劇大玩特玩錄影，眾人分批重演昔日經典台慶趣劇，當中少不免例牌的扮女人、掟蛋糕及突然「爆肚」的場面，情況搞笑之餘亦不乏驚險。

好彩冇着豹紋

當中只穿着白襪的郭晉安、商天娥、吳卓羲等在《一步一開心》趣劇中要在灑滿爽身粉的斜台中玩，期間，安仔失重心跌低扯住杏兒條運動褲，搞到杏兒露出肉色的高腰「阿婆」底褲邊，幸而有驚無險，事後她笑言自己很保守。杏兒笑謂：「今日冇着豹紋，最緊要唔好兒童不宜，冇事冇事，（冇着t-back？）我唔着嗰啲，（好在冇扯甩，唔係變Yumiko東華事件！）驚驚。」此外，林子善取笑行不上斜台的杏兒，更謂：「Bosco喺上面攬緊女呀！」杏兒事後表示對方講笑，不介意。

安仔失重心跌低，即扯住杏兒條運動褲。

曾華倩一推，子珊與陳智燊攬住撞到應。

子珊撞胸冇事

而徐子珊與陳智燊演《朱門新怨》趣劇時，被曾華倩推致「胸撞胸」，事後問子珊痛不痛，她謂：「冇呀！唔知呀！突然之間，好多嘢綵排冇發生都發生咗，撼到膊頭啫！」而馬國明與兩位曾傳緋聞的情人曾華倩、胡定欣同劇，他說：「緋聞情侶實撞到，大把啦！我同陳敏之、徐子珊都傳過。」問他是否只得胡定欣一個時，他即扮「死狗」說：「即刻死，唔知講乜！」而介紹角色時，原本演「三少奶」的鍾嘉欣竟講錯「我係三奶」，全場爆笑。

此外，洪天明、蒙嘉慧、黎耀祥、蕭正楠等合演趣劇《呆佬拜壽》，裝假胸反串的天明被蒙嘉慧推致滾地葫蘆般，又多次於「梅花樁」上跌倒。天明事後被問到下體有否被撞親，他說：「冇撞到！放心放心，仲生得嘅！」而蕭正楠則乘機宣傳有份演出的劇集《大太監》，於下體貼上劇名來搞笑。

文：影視組