陳慧琳聞追女：唔好搞咁多嘢
陳慧琳（Kelly）昨日以第6年代言人身份出席「香港美心月餅」活動，即場試食新口味月餅，期間主持人叫她努力追個女，當Kelly說出「唔好搞咁多嘢住」時，現場一片笑聲，她透露大仔劉昇（蝦餃仔）勁愛甜味食品。問到會否三母子齊接拍廣告？Kelly說：「我冇所謂，但老公唔畀，唔想咁高調。」並形容7、8月是「還債月」，她說：「今個月好多嘢做，要還番廣告債。」
問到暑假會否一家出外旅行？早前去完日本的Kelly說：「唔啦，熱辣辣唔知去邊，之前去完日本當去咗。（有冇幫仔仔影裸照？）浴照囉，肥騰騰好多肉。」久休復出的Kelly透露年底推出新專輯，問到會否出席各大頒獎禮？她說：「歌都未派，出咗碟先啦。」