澳8模Mia拒「打」自己友

「模媽」陳靜儀率領澳洲新八模大堆頭齊齊現身書展，為寫真造勢，澳洲新八模之一李笑沅（Mia）被問到跟師姐一起打「o靚模」小人會否怕得罪其他𡃁模時，她笑說：「我唔怕得罪人，我亦唔會得罪人。（知唔知打小人係咩意思？）除去仇人或敵人意思，和自己唔鍾意嘅人，（你唔鍾意邊個？）對手，（咁你咪有排打？）揀第一個有威脅性嘅人，通常都會係自己榜樣。」談到其衣着打扮比師姐陳靜儀更性感，是否想搶鏡？她說：「如果大家喜歡我，我都希望可以吸引多啲鏡頭。」對於大師姐周秀娜表示欣賞她，Mia自言也很欣賞對方，那豈不是要「打」她？Mia識做地說：「佢係個別例子。」