歌手李蘊昨日偕內地𡃁模師妹、「翻版連詩雅」陳小寶（Kingboo）、趙雨菲（Lafiel）在書展分別推出寫真集，並將於今日殺入書展舉行見面會。三女在寫真集中的臉貌儼如「三胞胎」，同樣是間尺鼻及V煞面，就連拍攝的意境及道具都近乎倒模！
同樣有除衫、典床典席等甫士；影大頭相亦採用胸部朦朧的取景手法，至於Kingboo、Lafiel分別戴上同款的皮頭繩、豹紋內衣和熊公仔，令寫真照感覺太相似。
李蘊昨日受訪時稱：「呢本書可能係我最後一本寫真集，我係BB身材，影寫真都係想趁青春留倩影，唔會除衫賺錢，其他（o靚模）就慢慢啦。」
她有感寫真界已變質，令人有意淫感覺，加上她見「後輩」謝安琪、薛凱琪等先後舉行紅館個唱，故她立下3年之約：「我嚟緊會全力練歌、練舞，苦練3年後，舉行紅館演唱會！」
