倪晨曦拍微電影 激發戲癮
來自多倫多的新一代宅男女神倪晨曦（Elva），18歲參加多倫多華裔小姐比賽奪冠，其後她卻選擇繼續求學，至近年完成大學學位後，簽約林小明之模特兒公司旗下，由於該公司當初只有Elva一人，她輕易成為大師姐和一姐，不過她笑說︰「唔好咁抬舉我，我只係模特兒新人，有好多嘢都要跟前輩學習，（係咪想行大騷？）梗係想，自己好鍾意行騷，希望將來多啲機會參與。」
其實Elva除了是模特兒，她在多倫多生活時亦曾擔任電視台主持，去年她跟周俊偉合作微電影，令她戲癮大發，早前她更跟詹瑞文太太學戲，她說︰「真係愛上咗拍戲，因為可以投入唔同角色，同現實中嘅自己好唔同。同周俊偉嗰部戲雖然只得半個鐘，但我好欣賞個導演嘅拍攝手法，係一個好寶貴嘅經驗，而今個暑假我同周柏豪、劉浩龍亦有一部新戲會上映，希望觀眾快啲睇到，可以畀吓意見我。」
Profile
姓名︰倪晨曦
年齡︰24歲
三圍︰33B、23、34
入行經過︰2005年參加多倫多華裔小姐成為冠軍，同時獲最上鏡小姐、傑出才智獎和完美體態獎，2006年參加國際華裔小姐打入五強。近年簽約寰宇旗下模特兒公司Unique Model Limited.。
採訪︰呂曉風
攝影︰黃叔榮
服裝︰Ted Baker
場地︰Zummer