女靈探失常送院岑寶兒驚到喊
前晚梁思浩與岑寶兒（阿夢）為有線節目《怪談．異秀戰》帶領一眾招募靈探的參賽者到荃灣曹公潭探靈，當拍攝招魂儀式時，女參賽者鄧慧嫦疑撞邪，突然又喊又笑，更反白眼及嘔白泡，嚇得身旁的阿夢狂喊，思浩認為情況嚴重決定call白車，鄧慧嫦被送往仁濟醫院時一度失去知覺。
昨日阿夢接受電話訪問表示鄧慧嫦已由家人陪同下出院，她說：「診治結果係肌肉拉傷，但我覺得佢係撞邪，佢冇晒嗰段時間嘅記憶，我講番畀佢聽，佢嚇到即刻要出院。（對方家人唔畀佢再錄？）佢媽咪都明白，意外大家都唔想，休息吓先決定啦！」監製佐治表示今晚節目先由男參賽者負責，下星期才到女參賽者，故尚有一星期時間考慮鄧慧嫦是否需要退出。
另外，早前阿夢一拖五男到荒廢多年的西貢黃竹洋邨探靈，阿夢嚇到狂喊表示遭鬼掹腳，最後要思浩勇救。