羅力威懶理 羽翹被鬧Cheap精
英皇歌手羅力威跟緋聞女友羽翹劃清界線，直言從未承認過兩人關係，強調本身未有拖友，羅力威的師奶粉絲更罵羽翹做「Cheap精」，粉絲對緋聞女友的厭惡，令羅力威臉帶尷尬神色。
羅力威昨晨跟師姐泳兒、江若琳、陳柏宇及黎燕珊等到樂富出席電台舉行的「香江暖流．愛母親」活動，向巿民送上康乃馨，場面熱鬧。羅力威偕同泳兒一齊受訪，前日才透露跟緋聞女友羽翹是發展緊的朋友，但昨日卻劃清界線說：「我冇女朋友，係女性朋友。」
自有主意事業為重
未有拖友的羅力威強調：「不嬲都冇認過。」對羽翹表示想在三十歲結婚，羅力威一名師奶粉絲躲在人群中辱罵：「威威，唔好講佢，Cheap精。」未有聽到粉絲說話的羅力威說：「佢想還佢想，（咁關唔關你事？）（他諗了一陣子）唔關事。」該粉絲又大嗌：「醒啲，答得好！」令羅力威一臉尷尬，在旁的泳兒也目瞪口呆。對粉絲不喜歡羽翹，他可會順從民意？他說：「我會自己話事，意見亦會聽，但最終都由自己決定。」但他表示目前以事業為重。
泳兒帶阿媽蒲老蘭
泳兒前晚已提前跟媽媽慶祝母親節，因為爸爸太忙，而細佬又要考試，她遂跟媽媽過二人世界，她笑說：「我帶媽咪蒲蘭桂坊，約咗佢喺嗰度食日本菜，（豪食？）都係o架，兩個人食咗幾千元。」為何不帶同髮型師男友同行？她笑說：「佢都冇叫我同佢媽咪食飯。」此外，江若琳則表示日前已探望老友杜汶澤，大讚對方精神好，得知對方怪病屬輕微大為放心。
文：音樂組