Eason Kelly打造港版紅白

倫奧獨家在有線播映，香港市民免費睇奧運的日子勢必改寫，據知兩大免費電視台無綫和亞視正努力與有線斡旋，望可以把開幕禮、閉幕禮及某些重要比賽帶回免費電視台。姑勿論斡旋是否成功，無綫和亞視肯定處於捱打局面，據知無綫已出動兩大撒手鐧，狙擊有線。

向四大示好

鑑於無綫兩年多前與四大唱片公司鬧翻，令到音樂節目處於積弱狀態，如今雙方已逐漸破冰，據知無綫暫定7月7日舉辦類似日本紅白歌唱大賽的節目，力邀中港台具分量歌手出席。而身為四大歌手的Eason、李克勤、Kelly、吳雨霏亦是被邀請之列，再加上羅志祥、S.H.E.、韓紅等兩岸星級歌手有機會助陣，望能一洗近年頹風，亦希望藉大型音樂節目向四大作善意招手，藉此徹底破冰。

放大圖片	吳雨霏亦有份被邀請出席無綫節目。

惡搞自己友

至於倫奧開幕禮將於香港時間7月27日才舉行，無綫除了搞「紅白」外，亦打算每月邀請歌手辦音樂會，身為四大旗下的譚詠麟已打響頭炮，與杜麗莎Jam歌。為免倫奧期間完全捱打，據知無綫亦打算製作二次創作節目，邀藝員扮嘢惡搞每周最Hit話題、劇集及電影。

記者致電無綫非劇集總監余詠珊，對於辦「紅白」一事，她說：「無綫今年會搞好音樂節目，呢個Project更會認真搞，要為革新音樂節目！」問是否藉此向四大善意招手？她說：「係，無論四大今次幫唔幫手做呢個節目，我哋都會顯示誠意！」至於無綫跟有線洽談倫奧播映權進度如何？余詠珊只表示正在斡旋，並由更高層處理。

文：專案組