羅仲謙瘦住做有錢人

藝人羅仲謙昨日出席《3香港發布會》時,透露於新劇中將飾演有錢人:「要着西裝,太大隻唔好睇,為做有錢人而瘦!(現實生活?)個個都想有錢,但我希望係自己努力付出賺番嚟。」他還透露劇中飾演其母親的汪明荃經常與他分享演技心得,令他感到榮幸。提到近日有傳其前女友傅穎做小三,令到戴夢夢婚禮取消,他則表示:「清者自清,(致電畀佢?)冇再聯絡。」

同場的郭秀雲就帶同愛貓現身,透露牠是非洲草原貓:「呢種貓兩個月大就要同人接觸,但我買佢時已經8個月大,所以佢唔跟人,屋企依家有三隻貓兩隻狗。(呢隻貓同唔同到其他寵物相處?)貓就好啲,佢會蝦啲狗仔。」另外,問到兒子龐錢景峰是否Lady GaGa的粉絲?她說:「佢鍾意,佢有買飛睇佢演唱會,我就唔會睇啦,寧願買碟睇。」