G.E.M.力撐自己拍好過佢

G.E.M.去年12月到加拿大開騷，經理人張丹以8,500元聘混血兒攝影師David隨團拍片，怎知雙方合作出現摩擦，昨午David向本報指控張丹欠薪，怒告上小額錢債審裁處，他激氣說：「4月上庭，法官話雙方同意和解，要佢喺4月27日限期前畀一半錢，即係4,500元，但我到依家都未收到。」
G.E.M.透露買了GaGa巡迴騷第２場飛跟同事捧場，並表示欣賞GaGa的創意。
G.E.M.透露買了GaGa巡迴騷第２場飛跟同事捧場，並表示欣賞GaGa的創意。

David聲稱跟G.E.M.合作冇問題，但跟她的經理人卻意見不合：「大家唔鍾意大家做嘢方式，我哋有嗌交，之後佢就唔肯畀錢，過咗法官畀嘅限期，佢都唔理。」不過，幾小時後他再致電記者，指收到速遞通知，表示G.E.M.的經理人公司有信件給他，由於他沒返家，不知該速遞是否支票。

G.E.M.跟Ａ貨GaGa合照。
  • G.E.M.跟Ａ貨GaGa合照。

狂插欠專業

本報致電張丹求證，他強調已在限期前付款，並狂插對方欠專業：「佢去到冇帶攝影機要問我哋借，佢拍啲片全部用唔到，我覺得佢唔專業所以唔畀錢，呢個係原則問題，我費事G.E.M.上法庭，所以同意和解。」G.E.M.亦力撐經理人處事均真，寸爆攝影師：「自己揸機拍都好過佢！」

此外，G.E.M.昨晚到亞洲國際博覽館出席活動，剛巧是Lady GaGa開騷的大日子，她表示已買了第2場飛跟同事捧場，身為基督徒的她，對於宗教團體反GaGa一事，她說：「冇留意佢有冇做激進嘢，只係覺得佢音樂上有創意，視覺上有衝擊。」她並跟現場的冠軍A貨GaGa合照，網友激讚似樣。

文：音樂組