李丞責送花冧「岳母」
劉倩婷前晚帶同母親及弟弟出席錄影節目，未婚夫李丞責亦有到場，儼如一家人般親密！李丞責更「識做」的向未來岳母獻花，而倩婷媽亦明顯非常受落，更大讚：「好開心個女搵到個咁好嘅伴侶，丞責仲話會照顧埋我哋，真係一個好好嘅女婿！」
另外，在分享環節中，倩婷非常感激獨自撫養她與細佬成長的媽咪：「媽咪喺我十二歲嗰年用盡儲蓄送我去外國讀書，我仲一年返嚟六次，直至有次我喺屋企見到媽咪寫信畀學校，話希望可以延期交學費，我先知佢好辛苦！」而倩婷媽亦表示：「個女好孝順，話自己轉去平民學校讀，結果半年後仲拎埋獎學金，我真係好安慰。」