婷婷打頭陣「潮聖」代母踩場

Lady GaGa昨晚假亞洲博覽館開騷，之前躋身撲飛熱潮的一眾藝人，紛紛與大班友人入場朝聖、狂歡，當中包括劉嘉玲、鄭裕玲、任達華夫婦、謝婷婷、孟瑤、陳奕迅（Eason）一家、馬德鐘一家、張智霖夫婦、葉童夫婦、任賢齊夫婦、鍾鎮濤夫婦等等。

現場「家長指引」

自稱是GaGa粉絲的謝婷婷與朋友結伴前來齊齊企位睇騷，昨午她才跟徐濠縈與GaGa的造型師Nicola Formichetti合照，不過就未有時間請教對方着衫心得。婷婷昨晚以see through裝示人，笑言足足花了四十五分鐘揀衫，一於rock味重一點。婷婷說：「媽咪（狄波拉）都有門票，不過未知會唔會嚟欣賞，要睇吓今場會唔會太激，媽咪驚畀人踩死！」

陳奕迅不怕演唱會意識不良，與徐濠縈帶同女兒康堤行秘密通道入場。 陳奕迅(右)、徐濠縈(左三)、康堤(左二)

陳奕迅

雖然演唱會一度被指意識不良，不過不少藝人家長都帶同子女前來欣賞，當中Eason跟太太阿徐及女兒康堤於秘密通道入場，而馬德鐘亦與太太及兒子馬在驤同來，問馬德鐘怕否演唱會意識不良教壞兒子？他說：「唔怕，媽咪喺度，有家長指引嘛！之前我哋都有去台灣睇Michael Jackson，大家都好enjoy。」

馬德鐘與太太帶兒子睇騷，表示有家長在場，不怕教壞兒子。

孫耀威(左)、陳美詩(右)

反而與太太琦琦前來的任達華坦言手上還有門票，不過都怕意識太過大膽，故只與太太同來先作視察，看看是否適合給小朋友看才帶女兒欣賞。而劉嘉玲入場後於微博上載了一張場內相。

文：影視組