阿Sa 忍痛讓飛
美國百變天后Lady GaGa昨晚於香港開騷，蔡卓妍（阿Sa）一早撲了4張飛捧場，可惜因工作不能遷就，變了一場歡喜一場空！昨日阿Sa到電台接受薛家燕訪問時說：「因為冇時間關係，最後唔可以去欣賞，只好原價將啲飛讓畀朋友，自己都覺得好可惜。」
提到男友陳偉霆亦撲得8張飛，阿Sa說：「係咩？我唔知喎，但佢都要拍戲，應該唔會去睇。」此外，阿Sa透露新碟將於七月推出：「差少少就完成，成隻碟都係Eric（郭偉亮）監製。」
另外，大肚楊千嬅昨日在微博大呻恨睇GaGa演唱會，可惜被老公阻止：「很想去看演唱會，丁生不允許，被困家中，佢自己去看了。」而單拖睇GaGa演唱會的丁子高，笑言會「全程直擊」，讓千嬅在家「欣賞」。