關係降呢變朋友 劉謙開騷 李蘊冇影
劉謙前天在香港一連三日舉行《劉謙世界魔術巡迴之旅2012香港站》，不過頭場就未見緋聞女友李蘊蹤影，未知二人是否關係「突變」。
讚香港觀眾熱情
劉謙大方透露有邀請李蘊前往捧場：「佢好忙，唔知佢會嚟邊場。」同時他又指香港為其巡迴演出的108站，又大讚香港觀眾熱情。身為魔術大師的他來港開騷，即吸引陳奐仁及組合HotCha的成員Crystal捧場，單拖現身的Crystal指拍檔Winkie忙於錄音故未能前往欣賞。
另邊廂，李蘊昨午以關愛大使身份出席慈善活動時，表示一定會支持劉謙，卻未肯承認拍拖：「今（昨）晚有時間嘅話就會去睇，佢係發展中嘅朋友。」問她會否以男朋友稱呼或介紹劉謙時，她則寸寸貢說：「就算真係男朋友都唔會叫佢做『男朋友』，會叫番佢個名，同埋我從來冇用『男朋友』三個字形容佢。」但她同時拒絕否認對方是男朋友。
被詐型甚少見面
雖然李蘊表現要疏離劉謙，但問到她怕不怕有「飛來蜢」向劉謙自動獻身時，李蘊就補飛說：「我一直都好信任佢。（你單身？）發展中，（拍拖會公開？）公開都低調，我覺得成日出街見面先叫拍拖。不過喺呢個階段嘅朋友得佢一個。」
文：影視組