張智霖追女聽天由命

【林淑汶澳門直擊】近期娛樂圈喜事重重，不少藝人都宣布懷孕，前晚張智霖、羅苡之、陳淑蘭出席假澳門舉行的「軒尼詩顯赫之旅」活動，問張智霖與太太袁詠儀可有計劃再追女？他說：「都有計劃，最理想梗係有兩個小朋友，不過呢啲都係要睇天意，（不設防？）係架，我哋係正常夫妻，佢又唔係我二奶。」
張智霖透露袁詠儀試過飲醉要他善後。
張智霖透露袁詠儀試過飲醉要他善後。

此外，歌手關心妍（Jade）前晚與老公楊長智觀賞魔術表演，提及Jade早前因食物中毒導致嘔吐惹來懷孕疑雲，她表示：「好多朋友都問我係咪有咗，但真係冇呀！（趕生龍B？）反正今年都冇床位，唔生龍B咪生蛇B！」

關心妍與老公恩愛睇表演。
  • 關心妍與老公恩愛睇表演。