馬詩慧 望抱孫 賀鑽石婚
名模馬詩慧下月與老公王敏德結婚20周年，她表示不奢求奇珍異寶，只求家人身體健康；還透露老公曾送她一對金造的公公婆婆擺設，心思縝密令她感到十分窩心，希望夫婦倆能攜手踏進「鑽石婚」（60周年）。
馬詩慧（Janet）、琦琦、汪圓圓、Lisa S.等一眾名模前晚盛裝出席活動，當中Janet被問到下月八日與老公王敏德（Michael）結婚20周年如何慶祝？她感到尷尬說：「啲人問我個大女幾多歲，我會答『吓，唔記得咗喇』，（Michael會點陪你過？）佢依家忙自己嘢，緊張過紀念日。」她表示平日一起開心度過已經足夠，不用只定在特別日子才慶祝，全家人一齊食飯都可以。她坦言禮物不是最重要，一家人身體健康才是要緊。
提到收過Michael最難忘的禮物，Janet甜絲絲說是一對以金打造的公公婆婆：「寓意白頭到老，男人有呢個idea好有心思。我諗住佢係一個好西化嘅人，原來佢都係一條『香蕉』，哈哈！」她透露自己送過特意訂造的直升機模型，指老公收到時十分高興，她還表示希望與老公慶祝「鑽石婚」，她說：「到時要抱埋孫！」
圓圓背男友性感
汪圓圓以大露背裝上陣成為全場最性感，表示沒向男友蔡加讚備案：「佢唔知，大會揀畀我。（男友有冇讚過你背脊白滑？）佢有讚我靚。」問會否希望加讚有朱古力身材？她表示只求身體健康：「佢曬唔黑，但身形似model，同佢一齊好有安全感。」另外，胞姊汪詩詩牛一將近，問她有否預備禮物？她即扮嬲：「好辛苦搵到家姐想要嘅禮物，但姐夫話冇時間買叫我讓畀佢！（結果？）讓咗畀佢，佢平時都好錫我。」
而琦琦表示老公任達華遺失的兩部手機仍未尋回，指已放消息重酬一部全新電話或iPad。她透露手機有早前度假的泳衣照：「我就冇所謂，畀人睇到囡囡泳衣照就唔好，我唔想佢咁細個就喺咁多人目光下成長。」她還透露女兒十分乖巧，將自己手機送給爸爸，非常孝順。
文：名人組